حشوة السمبوسه في رمضان اشكال وانواع 2014

[ حشوة السمبوسه ] ،،

المقآدير ،،

أربع ملآعق طعآم زيت ،،
بصلتين مفرومتين ،،
نص ملعقة شآي ملح ،،
ملعقتين شآي كزبره مطحونه ،،
نص ملعقة شآي كركم مطحون ،،
نص ملعقة شآي فلفل أحمر مطحون ،،
كوب ونص لحم مفروم ،،
٣ حبآت بطآطس مقشره ومقطعه إلى مكعبآت صغيره ،،
كوبين بآزيلآ خضرآ ،،

الطريقه يِ حلوين كالتآلي ،،

في مقلآه كبيره نضع الزيت لمآ يحر نضع البصل ونحمسه شوي ونضيف كل البهآرآت فوق البصل ونخلطه زين مآ زين لين مآ يتحمر ،،

وبعدين انضيف اللحم المفروم [ شآيفين كيف لونه بينك وفريش وبدون أي ريحه نهآئياً ] « تخيلوآ إني مآ أحبه نهآئياً بس يوم شفت لحم العجل اللي ف مزرعتنآ يمكن لأنه فريش عسب جيه أنآ حبيته ..

ولمآ يغدي لون اللحم بني [يعني خلآص نضى وإنطبخ ] أنضيف البطاطس ونغطي المقلآه لمده خمس دقآيق ع نار هآدئه،،

وأخيرا أنضيف البازلآ ونخليه ع نآر هآديآ لين مآ ينضج حبيبآت البآزلآ و البطآطس ،،

الشكل النهآئي ،،

نخليه ع صوب وننتقل لطريقة عجينتنآ الطآزجه ،،

مقآديرها كالتآلي ،،

كوبين طحين متعدد الاستعمآلآت ،،
ربع ملعقه شآي ملح ،،
ملعقتين طعآم زيت ،،
ثلآثة أربآع كوب مآء ،،

الطريقه « مآ في أسهل منهآ ،،

نعجن المقآدير كلهآ سوآء بالعجآنه أو باليد لمده ١٠ دقآيق ،،

وشكلهآ النهآئي ،،

أخليهآ ترتآح بس لمدة ربع سآعه ،،

عقب مآ أرتآحت العجينه بعد الربع سآعه ،،

أقسمهآ لست أقسآم ،،

وأبدأ أشيل كل كوره وأفردهآ وتأكدي إن السطح اللي تشتغلين عليه موزع بالطحين لأنه مهم العجينه مآ تلتزق على السطح ،،

نقطعهآ على شكل زآئد [+] ،،

ف ثوآني أسوي الصمغ وهو عبآره عن مآء وطحين أخلطيه صآر لنا صمغ [قوآمه يكون شرآت الصمغ إذآ كآن عجينه زيدي مآء لحد مآ اتشوفينه سآئل غليظ] ،،

نخظر قطعه من عجينة السمبوسه ومهم جداً تكون مثلثة الشكل ،،

نطوي الطرف اللي ع اليمين ونحط الصمغ ف الزوآيا اللي موضحه ف الصوره ،،

ونطوي طرف اليسآر ونحشيه بالحشوه اللي سوينآهآ ونحط الصمغ ف الطرف الأعلى مثل مآ موضح ف الصوره ،،

وأخيرا نغلقه وهذي شكلهآ وتأكدي أنه كل الزوآيآ مغلقه ،،

نأتي للغلي وبمآ أنه عجينتنآ طازجه ف بسرعه خلآل دقيقه السمبوسه محمره ،،

ف أنجهز مقلآه عميقه وانعبيهآ لين النص أو الثلث زيت ولمآ يسخن الزيت نحط السمبوسه تقريباً الكميه اللي سويتهآ ٢٥ – ٣٠ حبه ،،

مجرد يحمر أنشله ونحطه فوق كلينكس حتى ينشطف الزيت وظهور الفقآعآت ف عجينتج لمآ قليتيهآ يدل على نجآحهآ ،،

بعد مآ قل الزيت أنحطه ف البوكيآه أو صحن التقديم ،،

أنآ كنت مسويه بآرسيل لبعض النآس وهآي صورة السمبوسه [ وشكلهآ النهآئي ] ،،

نجي لرأي الأهل وقت الفطور كآن في ٣ أنوآع سمبوسه ،،

سمبوستي + سمبوسه ميني بالجبن وكآنت جآهزه ومحشيه ومثلجه شرينآهآ جيه من عند وآحد هندي يبيع بالكميآت يعني عندنآ ٢٠٠٠ حبه ومنوع بالجبن وبالخضآر وباللحم + سمبوسه مطعمنآ الخآص،،

المهم الصرآحه وبدون مجآمله قآلوآ سمبوستي ألذ وحده

ليش؟؟

لأنه طعم الحشوه بآينه ودسومة العجينه خفيفه ف فعلا سمبوسه بيت وطآلعه لذيذه من القلب الكل حبآهآ فعلاً ،،
أمآ الجآهز يغث على القلب من الزيت اللي فيه من البصل اللي فيه من الدسومه اللي فيه ،،

.
.

====================

مقآدير حشوة البطآط [ بالبآزلآ ] ’’

* كوبين بطآط مكعبآت صغيره مسلوقه ~

* نص كوب بآزلآ ~

* كوبين بصل آحمر مفروم ~

* حبتين فص ثوم مهروس + م ص كمون حب + نص م ص ملح

* نص م ص من كل من :[ كركم + ملح + فلفل أسود + غرآم مآسالآ + بهارات دجاج + زنجبيل مطحون ]

* حبة فلفل حآر صغير

= أول شغله نطحن الكمون بالهآون ونظيف له عقب الثوم والملح والفلفل ونكمل دق
لين يستوي مثل المعجون ,,

= نحط الزيت بمقلى ونظيف له حبوب لخردل والثوم والله الله عالريحه
تنتظرين لين تطرقع الحبوب ,, وأنتبهي لآ تنقز حبه فويهج ولآ شي ,,

= بعدهآ نحط البصل ونسويه على نآر هاديه حتى يستوي من دآخل بنفس الوقت من برع
اللي ودهآ تقلل البصل ممكن بس أنا أدبل البصل لأني أموت عليه ,,

= لمآ يستوي البصل نحط الفلفل الحآر وأتعمد أقطعه كبير كبير حتى أشيله فالأخير من الحشوه ..

= نحط البطآط وأرفع عليه شوي النار حتى ينشف من الماي وآزيد عليه البهارات
وأحاول أن مآ ينعجن ويصصير هريسه .. آحب يبقى فيها قطع صغيره

= نيجيي الحين لسر حشوتي اللذيذه .. هي شغله بسيطه لكن تعطي طعم رهيييب

نقلي حبات السمبوسه على نار متوسطه لين يشقرون بس ..

وننشفهم من الويت الزايد .. ونجرشهم ونفتتهم بأيدينا الثنتين لقطع صغيره

= نضيفها للحشوه + البازلآ

البنات اللي مآ يحبون البآزلآ ترى حتى أنا مآ أحبها .. بس بهالحشوه بالذات مآ أستغنى عنها
تعطي طعم رهييب .. ومآ تحسين فيها خصوصا أني أفورها زياده وتصير لينه حيل .. ~

+ وهذي هي الحشوه

لذيذه + بسيطه + سريعه

= الشتني الأخضر الحآر

* ربع حبة فلفل رومي أخظر

* كوب بقدونس أو كزبره

* 2 م ص روب

* 3/4 كوب سور كريم

* م ص ملح

* ربع حبة فلفل أخضر حار صغير

هالشتني أموت عليه وأروع شي الحموضه اللي فيه من السور كريم ..
لو ما توفرت لج السور كريم ممكن تستبدلينها بلبنه أو بروب لكن الطعم بيون ناقص

سهله كثير حطي كل المقادير بالفود بروسيسر وخلآص ,‘

نيجي الحين للعجينه ..

اللي مآ ودهآ تسوي عجينه ممكن تلف السمبوسه بالرقائق الجآهزه ..

* مقآدير العجينه ~

* كوب وربع طحين جميع الأستعمآلات

* م ك زيت نباتي

* م ص ونص ملح

* 6 – 8 م ك مآي دافي

العجن بسيط تخلطين الطحين بالملح وتسوين حفره

وتكبين عليها السوائل وتعجنين

ممكن تعجنينها بالعجانه .. لمدة 3 دقايق أو باليد 6 دقايق ..

ترتاح العجين على جمب لمدة نص ساعه ..

* بعد ما آرتاحت العجينه نبتدي شغل فيها ..

تتقسم ل8 كور متساويه .. وكل كوره تنفرد على شكل دآئره

وتنقص نصين وتتبلل أطافها بأصابعج بالماي ..
وتضيفين لكل قسم م ص من الحشوه

بعدها تلفين الطرف الأول .. كأنج تمهدين ياهل

والطرف الثاني ,, وبالسكين تقصين الطرف الزايد ..

بتعطيكم هالكميه حول 18 حبه ..
كمية البطاط كبيره تكفي لاكثر من هالعدد بكثير ..

ممكن تستخدمونها حتى لحشي السندويشات ..

وهذيلن هم حبوباتنا ينتطروني أقليهم

طعمهم لذيذ جدآ .. وحلآة الشتني يكون بآآآرد مع حرآرة السمبوسه يمووو ..

والعجين مآ تشرب زيت أبد .. جربوهآ وخصوصا الشتني .. واللي تحب النعناع ممكن تحط شوي
بيعطيهآ طعم خُرآفي .. ومو ضروري الشتني مع السمبوسه بس

ممكن حتى مع الكفته ممكن مع كرآت البطاطس باللحم ممكن مع الدجاج التندوري

==============================================

{{ الحشوة }} ملاحظه (( كمية الخضروات تعتمد عليكـ أنتي ))

♣♣ المقآدير ♣♣

※ كرات..
※ سنوت ..
※ بقدونس ..
※ 2 بصل مطحووون .. ## مهم يكون مطحوون ##
※ لحم مفروم (( تبعا كيس اللحم برضو يعتمد عليكـ ))
※ نص ملعقة كمون ..
※ نص ملعقه فلفل ..
※ ملعقة ملح ..

{ الطريقه الحين ي حلوين }

نبدأ بتقطيع الكرات قطع صغيره .

بعد كذا السنوت زي الكرات نقطعه قطع صغيره .

بعدين البقدونس يكون قطع صغيره + البصل مطحون .

وأخيرا اللحم المفروم .

تبعا نضيف عليهآ ماااء كمية الماء في البدايه نص طاسه وبعد كذا تضيفي بالتدرج لين ينجح اللحم اووكيه حبايبي .

بعد كذا نضيف البهارات زي م ذكرت في مقادير الحشوة .

ونخليه تطبخ الحشوه >> هاذي شكل الحشوه في النهايه <<

نيجي الحين عند العجينه .

♣♣ مقآدير العجينه ♣♣

※ كاسه دقيق ابيض + كاستين دقيق بر .
※ ملعقة ملح .
※ فنجان زيت .

{{ طريقتها }} جدااا سهله

تعجن بماء دافئ حتى توووصل للقوام المنآسب .

الحييييييييييييييين عمل السمبوسه %%

أدواتي اللي دايم استخدمها في سمبوستي هي كالتالي ..

– عجينه .
– الحشوة .
– الفراده. االلي مستحيل استغني عنها .
– تبع السمبوسة ( اللي م اعرف اسمها هههههههههه )

نبدا الشغل الحين $$

أولا : نفرد العجينه ”

ثانيا : نضعها ع اللي م اعرف اسمها هههههه + والحشوه داخلها ”

هاذي شكلهآ النهائي زي م انتو شايفين ” ملاحظه ( لازم تدهني الصحن بزيت ع شان م تلزق السمبوسه )

نبدأ بقليها ” + ووضعها في الصفايه وبعدين ع الورق ع شان ترتاح خخخخخ

كذا خلصنا ,,

شكلها النهآآآآآآآآآآآآآآآآآآآآآآآئي “”

الحشوه من الداخل ::

وبس ان شاء الله عجبتكم الطريقه

=========================

حَشوة البيض ~

المقآدير :
– 2 بيض مسلوق
– فلفل وكمون ربع ملعقة شآي وشوية ملح
جبنة شيدر نصف كمية البيض بالصورة الجبن كثير

نخلطهآ مع بعض وصآرت جآهزة , نحشيهآ والف هنآ وعآفية
طَلعت كم فكرة برآسي قلت أغير عن الشَكل التقليدي للسمبوسة
فطلعت باشيآء جَميلة ~

سَمبوسة خبز مفرود ~

الحشوة :

200 غرآم جبن كريمي
مخلل خيآر
زيتون
بصل أخضر

فيكِ تستبدلين اي مكون بـ [ فلفل رومي – ذرة – اي خضآر يعطي قرمشة أوحموضة ]
مقآدير الإضآفآت حسب رغبتكِ

نقص الخبز مثلثآت كبآر ’ الصغيرة رآح تعبكِ نفتح الخٌبز عن بعض وندهن
الأطرآف بخليط الدقيق والمآء ونحشيهآ ونسكرهآ على بعضَ

ونغمسهآ في دقيق وبعدين بيض وبعدهآ بقسمآط

وهآهي ونقدر نحطهآ بالفريز ونطلعهآ وقت الحآجة
مصورتهآ في أول رمضآن بعد الفٌطور فسويت عينآت بس

لذيذة جد ومقرمشة بكرر هالوصفة أكيد خصوصآ لو كآن عندي خٌبز مفرود
كثير لأن بعض المطآعم يعطونكِ من طلبكِ كيس خبز مفرود ودآئمآ يقعد
في البيت متعودين على الخيز العربي البٌر ..

قوالب الرقآق ~

كيف الأسم بس

نجيب رقآق سمبوسة ونحطه بالقوالب زي الصورة

نحشيهآ بآي حشوة الأفضل تكون دجآج أو لحم عشآن تكون متمآسكة

ونسكرهآ ونقص الأطراف الزآئدة

نخلط جبن سآئل مع شوية حليب أو مآء عشآن قوآمهآ يّخف مع شوي كمون ونضعه على الوجة
وندخلهآ الفرن 15 دقيقة من تحت ومن فوق عشىن تتحمر

لذيذة وخصوصآ ان اللحم كآن فية قطع فلفل مع الجبن والرقآق لين
كآن في بآلي يَطلع مقرمش المرآ الجآية بدهن الرقآق قبل بحليب
او بحط على الرقآق من تحت شي سآئل يتشرب ويطلع مقرمش

كٌل الطريقتين كآنت تجربة نآجحة والحمد لله ولذيذة

================================

حشوتي ..
مكوناتها غريبة شوي ..
لكنها لذيذة ..أهلي أكلوها بالعافية و هم ما يعرفوا إيش هي ..

نجي للمقادير و الطريقة ..

3 أنواع عدس ..3 قبضات أبو جبة , قبضة أصفر كبير , ملعقتين أصفر الصغير ..~
حبة بصل متوسطة مفرومة ناعم ..~
ربع علبة بازيلا مغسولة ..~
نصف ليمونة ..~
3 ملاعق جزر مبشور ناعم ..~
4 ملاعق كزبرة و بقدونس ..~
ملح و بهارات .. حسب الرغبة ..~
فص ثوم مفروم ..~

نسلق العدس كله مع بعض و نضيف له ورقة غار و ماء كوبين تقريباً ..
سلق كامل ..
أنا أسلقهم مع بعض لغرض , و هو إني أبغى أحس بنعومة و قرمشة لأن درجة النضج
بتكون مختلفة .. تجي القرمشة من النوع الأصفر الكبير و النعومة بسبب ذوبان العدس الصغير ..
طبعا ممكن تستخدموا نوع واحد بإستثناء النوع الصغير لأنه صعب نحشي فيه ..

بعد ما يستوي نصفيه و يكون شكله مثل اللي موجود في المقادير ..

بعد ما سلقنا العدس و خلصنا منه ..
نحمس البصل في ملعقة و نصف زيت على نار هادئة مع رشة ملح ..
إلى ما يذبل ..

بهذا الشكل ..
ثم نزيد عليه البهارات و الثوم و نقلبهم إلى ما تطلع ريحة البهارات ..

كذا يكون شكله ..
يا سلام على الريحة ..مع الصيام شي ثاني ..
و اللي يحبوا الماجي ممكن إضافتها بهذي اللحظة ..

بعد كذا نضيف العدس و نقلبه .. نتركه دقيقة ..

بعد الدقيقة نضيف 3 صلصات .. أعشقها و أصير حزينة لما تخلص و ما أحد يجيب لي غيرها ..

ملعقتين من صلصة الكاتشب .. ملعقة من صلصة الفلفل الحلوة الجميلة ..
و ملعقة صلصة صويا معتدلة ..
و اللي يحبو الأكل حار يلسع يزيدوا شطة سومطرا ..حارة تخليكم تنين من حرارتها ..
نتركها على النار دقيقتين بس و نرفعها ..

بعد ما نشيل الخليط من على النار نزيد عليها البازيلا و الجزر و الكزبرة و البقدونس و عصير الليمون و نقلبها ..

جهزت حشوتنا ..
نجهز خليط اللصق .. و بأستخدم عجينة جاهزة من سويتز ..
عجينة سويتز إتغيرت و أشوفها صارت أفضل بكثير عن أول ..
و أحلى شيء صار معاها علبة
لحفظ العجينة من الجفاف ..
و نبدأ نلفها .. كالعادة ..

نلصق الطرف .. وأفضل شيء إنا نحفظها في كيس أو حافظة خاصة .. لأجل ما تنشف السمبوسة ..
بعد ما نخلص الكمية تطلع تقريباً 30 حبة ..
إقليها بزيت غزير و قدميها بالعافية ..

تُقرمش قرمشة ..

الطعم غريب و لذيذ ..خاصة مع إضافة الصلصات ..
و عوافي على قلوب المحبين ..
سحور و فطور الهنا ..

============================================

{ السموبسه الهنديه }

اهلي وقرايبي يسمونها كذا
بس مااشوف لها اي صله بالسمبوسه الهنديه
الا في الشكل بس

راح اسميها اقماع السموبسه
او اهرام السمبوسه
اختاروا اللي يعجبكم

اول نحضر الحشوه
عباره عن ..
دجاج مفروم الوطنيه <– افضل نوعيه من المفروم
وممكن تستخدمين صدور اللي يريحك

اشوحه ع النار بصل مفروم صغار
واضيف له فلفل حار اخضر وثوم ,,

ثم اضيف الدجاج واضيف له الملح والبهارات …
بربيكا فلفل اسود كركم كزبره ناشفه كمون ملح

وبعد عشر دقايق اضيف له بطاطسه مبشوره حبه وسط
واقلبه معه واضيف شوي صلصه
وكل مااحتاج مويه اضيف لها لما يستوي <—لانه راح يثقل مع البطاطس
واتركه ينشف من مويته

بعد مايبرد اضيف له جزر مبشور وبقدونس مفروم
واي شي تحبينه اضيفيه مثل شبت ….

بعدين اجيب عجين سويتز واقصه مربعات
واجهز العجينه السايله تكون لاصق

بعدين امسكها تكون قدامي على شكل معين
الم طرفين على بعض راح يكون على شكل قمع
واستخدم العجين اللاصق

بعدين احشيها واحط على الاطراف من جوا فوق الحشوه اللاصق
واسكرها واضبطها
بعدين اغمسها في بيض وحليب ثم بقسماط
اذا فيه اي فتحه احاول اضبطها واسكرها بالقسماط

{احب اخفف البيض بالحليب يكون اسهل في التغميس واخف لريحه البيض ماحبها }

بعدين ادخلها الفريز تبرد شوي
مو تجمد لا
يعني تكون بارده مره بس موجامده
عشان ماتشرب الزيت اثناء القلي

وقدميها مع كوبايه شاي منعنش

لذيذه خصوصا البقسماط عطاها قرمشه حلوه
ممكن تحشينها بطاطس مسلوق ومهروس

=========================================

تفضلو طريقتي بعمل السمبوسه
وان شاء الله تعجبكم

المقادير
,,

لحم مفروم
بصلة واحده
2/ فلفل رومي
شوية بقدونس
ملح & فلفل اسود
شوية كمون

الطريقة

/////////////

نقطع البصله ونحمسه مع اللحم
على نار هاديه

اذا استوت اللحمه نضيف الفلفل الرومي

وبعدين البقدونس والبهارات

وبعدين نجيب رقائق السمبوسه { اشتري الرقائق من حلويات الفت }
ونحشيها ونلفها

وادخلها الفرن

وهذه شكلها النهائي خفيفه ومافيها دسم
وان شاء الله تعجبكم
,,

=====================

حشوة الدجآج

المقادير ( صدور دجاج – بصل – جزر – بقدونس – شبت -ماجي – بهارات مشكله )

اول شي نسلق الدجاج ونملحة ونحط بزار مشكل

بعد مايستوي ننتف الدجاج ونقطعه صغير

البصل نقطعه مكعبات صغيرة و نبشر الجزر والشبت والبقدونس بفرمها

الطريقة نحط البصل بشوية زيت ونضيف الماجي والبهارات
بعدها الجزر ونقلب الين يذبل ونضيف الشبت
نضيف الدجاج نستمر بالتقليب
وآخر شي نضيف البقدونس

شكل الحشوة النهائي
وزي ماقلت لكم للسمبوسة وممكن تنحط للمكرونة بالبشاميل تطلع لزيزة
وتتفرزن وقت ماحتجتيها طلعيها قبل الاستخدام عشان يفك الثلج منها
وطعمها ميتغير يبقى زي ماهو

اعمل السمبوسة بالرقاق واستعمل رقاق بنت البلد

وهنا شكله بعد ماقليته صراحه حلوة بالقلي وماتشرب زيت

وكمان بالفرن تطله خفيفة

فمآآن الله