المكونات
عدد الحمام حسب عدد افراد الاسره
ارز + كبد وقوانص الحمام
بصل + ثوم + ارز ” ولمن يرغب أضافة المكسرات + بطاطس شيبسى “
التوابل وهى ملح + فلفل اسود + جوزه الطيب + بهار لحم + مستكه + ورق لورو
الطريقه
نجهز اولا الارز ونتركه ليبرد لكى يكون سهل فى الحشو .
نحمر الارز فى الزبده نصف الكميه حتى يصبح لونه اقرب الى البنى ونضيف باقى الكميه مع التوابل ونسويه حتى نسبه 75% تسويه مع اضافه الكبده والقوانص والمكسرات ونتركه يبرد تماما .
ونحضر الحمام وننظفه من الداخل والخارج بحرص بالدقيق والملح والخل ونشطفه جيداً حتى نتخلص من اى نوع من الزفاره .
ونيجى لاخطر مرحله وهى التوريق اى نفصل الجلد عن اللحم بحرص حتى يصبح مثل الجيب من ناحيه الصدر .
وتحشيه بمقدار 4 معالق ارز من الصدر ونوزعه بالتساوى ونضيف خمس معالق ارز فى قلب الحمام من الداخل ونقفل ارجل الحمام عكس عكاس .
ونحضر المياه ونتبلها مع بصله وثومه ونتركها حتى تغلى مع ورقتين من اللورو .
ونضيف الحمام من ناحيه القلب اى مكان الحشو حتى تقف بسرعه ونسويه تماما وننشل الحمام ونتركه يبرد ونسوى باقى الارز ان فاض فى قليل من الشوربه وكميه الشوربه الباقيه تقدم كشوربه .
ونحمر الحمام فى الزبده مع فصين مستكه .
ويقدم مع الارز والبطاطس الشيبسي والشوربه ” حسب الرغبة ” .
وبالهنا والشفا
