سفرتنا النهاردة تتميز بأكلة كلنا بنحبها و هي الفتة اللذيذة و الشهية ، تعالوا مع بعض نعمل الفتة باللحم و معاها شوربة لسان العصفور ، كمان هنعمل الحلو أم علي ده غير المشروبات و السحور ، مستنية ايه يلا بينا نشوف مائدة النهاردة …

الإفطار :

المقادير :
الفتة:
كيلو ونصف لحمة “ضاني أو بتلو”
2 ثمرة جزر مُقشر مُقطع حلقات
2 عود كرفس مُقطع مكعبات
2 بصلة متوسط مُقطع مكعبات
2 كوب أرز
6 أكواب ماء
2 ورق لاورا
2 فص مستكة
4 حبات قرنفل صحيح
عيش محمص مكسر

مقادير التقلية:
6 ملعقة كبيرة زيت زيتون
6 فص ثوم مفروم ناعم
4/ 1 كوب خل
كوب شوربة لحمة

الصلصة:
3 ملعقة كبيرة صلصة طماطم (معجون)
1/ 4 كوب خل
كوب شوربة لحمة

طريقة التحضير:
1- اغسلي اللحمة كويس، وحطّيها لمدة 3 دقائق في ماء مغلي بحيث يُغطيها، وبعد كده ارفعيها من المية، وبعد كده اغسلي الأرز كويس وصفيه من المية بتاعته.

2- سخّني الماء في إناء على نار متوسّطة، وضيفي إليها اللحمة والخضار والبهارات والملح والفلفل.

3- أول ما المية تبدأ في الغليان، قللي درجة الحرارة، وسيبي اللحمة على النار لمدة 45 دقيقة، لغاية ما اللحمة تستوي تماماً، مع مراعاة إزالة الريم من سطح الشوربة كل ما يظهر، وأول ما اللحمة تستوي طلّعيها من الشوربة، وصفّي الشوربة كويس.

4- حطّي السمنة في إناء آخر على نار متوسطة، وحمّري الأرز لمدة 3 دقائق أو لغاية ما يتشرّب تماماً بالسمنة، وبعد كده ضيفي كوبين ونصف مية، وممكن تخلطي المية مع الشوربة، وتبّليه بشوية ملح، وسيبيه على النار لغاية ما يبدأ في الغليان، وبعد كده قلّلي النار، وغطّي الإناء وسيبيه لمدة 20 دقيقة أو لغاية ما تتأكّدي إنه استوى تماماً.

5- لتحضير التقلية، سخّني الزيت في طاسة على نار متوسطة، وبعد كده ضيفي عليه الثوم المفروم، وقلّبيه لمدة دقيقتين أو لغاية لونه ما يبقى ذهبي، وبعد كده شيلي نصف كمية الثوم دي على جنب، وضيفي الخل والشوربة وشوية ملح وفلفل على باقي الخليط اللي في الطاسة، وسيبيهم لغاية ما يغلوا، وبعد كده شيلي الخليط من على النار.

6- حطّي نصف كمية الثوم اللي شلتيها من التقلية في طاسة على نار متوسطة، وبعد كده ضيفي عليه صلصة الطماطم والخل والشوربة وملح وفلفل مع التقليب، وبعد كده سيبي الخليط لغاية ما يبدأ في الغليان، وبعد كده قلّلي درجة الحرارة وسيبيه لمدة 10 دقائق علشان الصلصة تتسبّك.

7- هاتي طبق التقديم وحطي فيه العيش المحمّص، وبعد كده رشّي عليه كمية صغيرة من التقلية اللي عملتيها، وسيبيه لمدة دقيقتين؛ علشان العيش يتشرّب منها، وبعد كده حطي طبقة من الأرز فوق العيش، وصبي عليه كوب شوربة، وبعد كده وزّعي قطع اللحمة فوق الوش، وآخر حاجة هتعمليها إنك تصبي صلصة الطماطم على حسب الكمية اللي إنتِ عايزاها

المقادير:
100جرام من مكرونة لسان العصفور
حبة طماطم
بصلة صغيرة
3 ملاعق زيت
بهارات (ملح –كمون –قرفة –فلفل أسود)

طريقة التحضير:
ضعي الزيت في القدر وحمري البصل ثم ضعي البندورة والصلصة
قلبي جيداً وضعي البهارات ثم المعكرونة
اضيفي كوبين ونصف الكوب ماء واتركي الشوربة على نار هادئة
اغرفي في طبق التقديم وزيني بالليمون

العصـــائر والحلــويـات:

عصير الموز بالآبس كريم

المقادير:
3 ثمرات موز مقطّع شرائح
كوب آيس كريم فانيليا
3 ملعقة كبيرة كاكاو
3 كوب حليب
سكر

طريقة التحضير:
– قومى بتسخين اللبن، ودوّبي فيه الكاكاو،
– اتركى الحليب بالكاكاو حتى يبرد قليلا،
– ثم اخلطيه فى الخلاط الكهربائى مع باقي المكونات،
– وضعيه في الكاسات وزيّنيها ببودرة الكاكاو.

المقادير :

500 جم عجينة ملفيه

100 جم زبيب

100 جم مكسرات

5 جم قرفة

1 لتر حليب

250 جم سكر

5 جم فانيليا

300 جم كريمة نباتي مخفوقة

طريقة التحضير :

احضرى إناء وقومى بوضع الحليب على النار ونتركه إلى أن يغلي

ثم نضع السكر ونقلبه جيداً مع اللبن

ثم احضرى قالب بايركس نضع عجينة الملفيه والمكسرات والقرفة ونخلطهم جيداً

ثم قومى بوضع الفانيليا على الحليب ، ثم نضيف الحليب على خليط الملفيه والمكسرات

وبعد ذلك ضيفى الكريمة المخفوقة ونقلب جيداً ونضعها في القالب البايركس أو الطواجن ونضع الكريمة على الوجه

ثم ادخليها الفرن إلى أن يحمر وجهها وتزيين بالمكسرات وتقدم .

السحــور:

المقادير:

4 أكواب دقيق الشوفان
1 ملعقة كبيرة سكر
2 ملعقة صغيرة ملح
1 ملعقة كبيرة خميرة
3 ملاعق كبيرة حليب بودرة
6 ملاعق كبيرة كاتشب
جبنة موزاريلا مبشورة
قطع من الدجاج
نصف كوب زيت زيتون أو زيت زباتي
نعناع مجفف
ماء للعجن

طريقة التحضير:

عجين الشوفان
إطحنى الشوفان العادي بالمطحنة، ثم قومي بنخل الدقيق للتخلص من الشوائب، الآن أصبح لديكِ دقيق الشوفان.

قومي بخلط دقيق الشوفان مع الملح ،السكر ،الخميرة والحليب البودر ، وقومي بالعجبن بإضافة كوب ونصف من الماء جيداً حتى تتماسك العجينة.

ثم غطي العجينة وتترك في مكان دافئ لمدة ساعة حتى تختمر ويزداد حجمها .

البيتزا
قسمي العجينة الى كرات متوسطة الحجم وتوضع في صينية مدهونة بالزيت ومرشوشة بالطحين وتغطى وتترك لمدة 10 دقائق.

اخلطي كل من الجبن ،الدجاج ،زيت الزيتون ،النعناع والكاتشاب المخلوط مع ملعقة صغيرة ماء.

افردي كل قطعة من العجينة على شكل دائرة وتوضع كل واحدة منها في صينية مدهونة بالزيت.

قومي بوضع في كل عجينة مقدار من الخلطة حسب رغبتك وتخبز في الفرن الى أن تستوي ويحمر الوجه .
وبالصحة والهنا ….