معجنات لذيذه , كروسان بالجبنه , حشوات منوعه للكروسان , كروسان بالشوكولاته

1- الحشوه الأولى :
قطع شكولاته صغيرة الحجم أي نوع انتي تفضليه جالكسي أي نوع عندك أنا استخدمت الموجوود

2 – الحشوه الثانية :
جبنة موزريلا + جبنة قشقوان الدائريه الكبيره تبشريها + جبنة شيدر اللي تجيك علبتها زرقا

3- الحشوه الثالثه :
6 حبات جبنه كيري +كاسة حليب سائل + ربع كاسة سكر ناعم +3 ملاعق كبيره نشااا
وحطيهم على النار مع الخفق الين تصير الحشوه ثقيله وأحشي فيها في حالة استخدمتي الحشوه الثالثه
لا تكثرين السكر واسقيها شيره بعد ماتطلع من الفرن أو حليب مركز

4- الحشوة الرابعه :
قطع نقانق طويله (سجق ) لحم أو دجاج لك الحريه في الإختيار وأنا أفضل انك تسلقيها نص سلقه
عشان لمن ندخل العجينه الفرن ماتحتاج الى وقت طويل

5- الحشوة الخامسه :
كوب ونص حليب سائل +نص كوب سكر +ملعقه صغيره فانليا +ملعقه ونص نشا + صفار بيضه
وأخلطيهم بالمضرب اليدوي على النار الين تصير ثقيله خرجيها من النار وجيبه أنناس اللي يجيك معلب معلبات
قطعيه قطع صغيره واضيفيها للكريمه وحطيها في الثلاجه 10 دقايق بعدين أحشي فيها العجينه

مقادير العجينه :

3أكواب ونص دقيق
كوب ونص حليب باردسائل
ربع كوب حليب باودر
ربع كوب سكر ناعم
رشة ملح
ملعقه كبيره خميره
ملعقه كبيره بيكنج باودر
كوبين زبده

تعجن العجينه بالمقادير السابقه ماعدا الزبده الزبده بس للفرد

خلي العجينه تخمر وبعد ماتخمر نبدأ بعملية الفرد
الفرد هنا أهم خطوووه وعشان تطلع لك العجينه هشه لازم الفرد يكوووون دقيق

اللحين عندنا كوبين زبده طريه قسميها الى 4 اقسام يعني كل قسم ياخذ نص كووب فاهمين علي

تفردي العجينه وتدهنيها بزبده النص الاول ونطبق العجينه ونفردها تاني ونضع طبقة الزبده الثانيه ونخليها نص ساعه في الثلاجه

نخرج العجينه ونفردها ثاني ونكرر نفس الخطووات ونخليها كمان نص ساعه في الثلاجه

بعدين خرجيها من الثلاجه وقطعيها مستطيلات مثل اللي في الصووره

وأحشيها بأي حشوه من الحشوات اللي ذكرتها انا هنا استخدمت الشكولاته أسرع