صينية فراخ في الفرن
المقادير
2 فرخه وسط ممكن اقل علي حسب العيله
التتبيله
بصلتين وسط
10 فصوص ثوم
1 قرن شطه خضراء حاره
2 فلفل اخضر
كوب زبادي
2طماطم وسط
بهارات ملح و فلفل وكاري وبهرات مشكله وكمون
3ملاعق خل او ممكن بدلها 3 ليمون
الخطوات نغسل الفراخ كويس اوي ونسلخ جلدها لاني مش بحب الجلد اوي وده طبعا حسب الرغبه
نقطع الفرخه 6قطع ونشرحها كويس بالسكينه عشان التتبيله تدخل جواها
نفرم المكونات اللي فاتت في الخلاط وبعدين نتبل الفراخ فيها ليله كامله بتبقي احلي بس انا كنت مستعجله اخدت ربع ساعه في التتبيله بس
بالشكل ده
بعدين نحضر صينية الفرن
نفرش في الصينيه طبقه بصل طرنشات ونرش عليها ذرة ملح وفلفل اسود زي كده
بعدين نرص طرنشات بطاطس زي كده
وعليها برضه رشة ملح وفلفل
بعدين نرص الفراخ وانا هنا عملت بصل صغير بتاع الاوارمه في التتبيله ورصيته في الصينيه مع الفراخ اصل بابا وماما واخواتي بيحبوها انا لا طبعااااااااااااا بالشكل ده
بعدين ضيفت ملعقتين زيت و2كوب ماء صغير ونغطيها بورق فويل وعلي الفرن علطول لحد لما تغلي شويه وبعدين نهدي النار علي 170 لمده ساعه وربع وبعدين نكشفها ونعلي النار عشان تشرب ميتها وتتحمر وممكن نشغل الشوايه لحد ما تتحمر وبعدين نسخن فخمايه اوي ونحطها في ورقة فويل زي الطبق ونضيف نقطتتين زيت ولما تدخن نغطي الفراخ بالفويل تاني عشان تاخد ريحة الفحم وده هيبقي شطلها بعد ما طلعت من الفرن واخدت طعم وريحة الفحم طبعا انا بس اللي عارفه ريحتها ايه وده كان فطاري امبارح نشوف بقي الصور
ودي بعد ما شيلت البصل
