السابليه العشق
٣ كوبايات دقيق
كوبايه زبده طريه وبلاش سمنه عشان يطلع مظبوط وبيدوب لكن السمنه هتخليه يقرمش
نص كوبايه سكر بودره
بيضه كامله
فانيليا
الزبده هتضرب مع السكر البودره كويس لحد مالونها يفتح ويتضاف عليهم البيض والفانيليا وفي الاخر الدقيق يبقي منخول وتتعجن بالايد
لو عايزينه بالشكولاته نشيل معلقتين دقيق ويتحط مكانهم معلقتين كاكاو خام
العجينه تقعد في التلاجه ساعه عشان تتماسك بس الجو برد فمش محتاجه
وبعدين تتفرد بالنشابه مابين كيسين نايلون عشان ماتلزقش وتتقطع باي قطاعات واشكال اللي تحبوها وبدخل الفرن علي ١٨٠ بياخد حوالي ١٠ دقايق ولما يستوي يتساب ييبرد ويتحشي مربي او شوكولاته والتزيين بقي زي ماتحبو
