السلام عليكم ورحمة الله وبركاته
رمضان مبارك عليكم
مسويه زقني ولحوح وصورته لكم
مقادير الزقني
دجاج او لحم بدون عظم
بصلتيين كبار
5 فصوص ثوم
5حبات طماطم
ملعقتين صلصة طماطم
بهارات لحمه
وبهار الزقني الحار ( بهار حبش)
وحبه بطاط ( هذي حسب الرغبه انا احب اسوي زقني مع البطاط يخفف حدة الفلفل الحار )
بيض مسلوق ..؛
::
الطريقه/
تقطع البصل وتحمسيه على شوية زيت
وتحطي الثوم وتحمسي شوي وحطي قطع الدجاج او اللحم
وتحطي البهارات كامل مع الملح
وقلبي في الدجاج ليييين يتحشوش مع البهارات والبصل
ضيفي بهارات الزقني والطماط والصلصه واجلسي قلبي لييين ينشف مرق الطماط
وحطي ماء دافي نص ساعه ينضج حطي عليه بيض مسلوق مقشر..؛
:::::
قدميه مع اللحوح او رز او حتى خبز..؛
وقدمي معه سحاوق او سلطه
بالعافيه عليكم
