ازيكم ياقمرات كتير مننا بيحتار في مقادير الصينية مقاس30 انا جبتلكم النهاردة مقادير الكيكة الاسفنجية لمقاس 30 ومجربة وعلى ضمانتي
المقادير والطريقة:-
8بيضات+فانيليا+كوب و1\3سكر ناعم +كوب و2\3دقيق +2ملعقة صغيرة بيكنج بودر

الطريقة: طبعا هنضرب البيض مع الفانليا مع السكر كويس جدا بالمضرب الكهربائي او في الخلاط وينخل الدقيق مع البيكنج بودر ويضاف للخليط السابق مع التقليب الجيد

بعد كده هنصب الخليط في الصينية المدهونة زبدة ودقيق وندخلها الفرن متوسط الحرارة لمدة من تلت الي نص ساعه وتختبر بالسكين
لغاية كده تمام
بعد ما طلعت باه من الفرن وسبتها تبرد قطعطتها تلات طبقات بالعرض وحشيتها صوص الشيكولاتة وحطيته عليها من فوق كمان

والصوص مقاديره:كوب سكر نص كوب زيت كوب كاكاو خام كوب لبن كله يضرب في الخلاط او بالمضرب الكهربائي وهيبقى تمام