صينية التوست بحشوة الدجاج مع الذره

المقادير :
2 صدر دجاج مقطع شكل مربعات ،،

١ من كل ” بصل + فلفل رومي” مقطعين شرايح وجزره مبشورة ..

علبة ذرة أو نصف .. ” انا استخدمت المثلجه و نقعتها بمويه حاره حتى تفك من الثلج ..

٢ بطاطس حجم كبير مهروس و بالمقدار المناسب لحجم الصينية
طبعاً مخلوط مع ١ م ك جبن سائل وملح وقليل من الفلفل الأسود

بهارات ” ملح + فلفل أسود وأحمر مطحون + كمون شوي “

كيس توست منزوع الأطراف

• الطريقة •

نشوح البصل بالزيت لحد مايذبل
ثم نضيف لها الفلفل الرومي
ثم الجزر المبشور ..
بعدين صدور الدجاج المقطعة مع البهارات ..
نخلطه لحد ماينضج الدجااج ويتغير لونه
و نغطيه على نار هادئة ..

نعمل الصلصة البيضاء ..
عباره عن ” قشطة قيمر ” بالنسبة لي أحلى نوع ” وجبن سائل مع جبن بيتزا ..
نخلطهم بعد ما نرشها بالبهارات فلفل اسود واحمر وشوي كمون ..
نرجع للحشوه ونضيف لها الذره ونخلط .. ٥ دقايق .. تكون جهزت

نطلع الصينية ندهنها بالزيت ونرص البطاطا المهروسة ..
طبقة التوست مدهونة بالجبن السائل
بعدين الحشوه
وبعدهااا نصف فوقهم التوست
أخر طبقة الصلصة البيضاء اللي عملناها نرشها بالبقسماط
نغلفها بالقصدير حتى الجبن لايحترق ويذوب زين وندخلها تحت الفرن نشغل النار عليها من فوق وتحت ..

يممممي .. هني وعافيه