الذ فطير مشلتت بالتفصيل ومعاه سر خطيييييييير وبالصور الكتيييييييير

بسم الله الرحمن الرحيمالسلام عليكم ورحمة الله وبركاته

المقادير:

دقيق فاااااااااااااااخر (لااااااااااااااااازم فاااااااااااااااااخر)

الكيلو بيعمل 4 فطيرات

ماء

الكيلو بياخذ تقريبا 3 كوب ماء وممكن يحتاج كمان 0.25 كوب ماء اواكثر بقليل جدا حسب نوع الدقيق (المهم تحسى ان العجينه طرية)

0.5 ملعقة ملح

رشة سكر

الطريقة:

**نخلط الدقيق والملح والسكر والماء

 

**نعجن عشر دقايق على الاقل وكلما زادت فترة العجن كان افضل

 

**نتركها ترتاح قليلا

** نقطع العجين الى كور كل فطيرة 3 كورعلى الاقل وندهنهم كويس (احنا بنحبها راقات كتير وتخينة فباستخدم 5 كور)

**نغطيه ونتركه على الاقل 5 ساعات (ممكن تعجنيه بالليل وتغطيه وتحطيه فى الثلاجة للصبح وده افضل العجينة بترتاح خاااااااالص وبتريحك فى الشغل انا عملت كده)

**هنلاقى العجين ريح بالمنظر ده

 

**نحضر زبدة سايحة وزيت

والسر بتاعى

ان ان

تن تن

ترقب واثااااااااااارة وتشوييييييييييييق

باكو بيكنج بودر بيخلط مع الزبدة او السمن بيخلى العجين مورق وهش (جربوها على ضمانتى إن شاء الله تعالى)

**ممكن نفرد بايدينا بس النشابة (الشوبك) بتسهل اكتر

**بكل سهولة هنفردها من غير ما تتقطع إن شاء الله

**ندهن زيت على السطح اللى هنفرد عليه عشان متلزقش

**نفرد بالنشابة

**وبعدين نفرد اكتر لحد ما تبقى كلها دائرة رقيقة

**ندهنها بالزبدة

**نطبقها مربع

**نتركها على جنب

**ناخذ الكرة الثانية ونفردها مثل الاولى وندهنها بالزبدة

**ناخد المربع الاول ونضعه داخل الدائرة الثانية (حلو شغل الهندسة والدائرة والمربع والمثلث ده ههههه) ونطبقهم مع بعض

 

**هتصبح واحدة نضعها على جنب

 

**نفرد الثالثة

 

**ونضع المربع الثانى داخلها ونطبقها

 

**هتبقى بالمنظر ده

**هتطبقيهم على بعض هتبقى بالمنظر ده

 

**نضعها فى صينية مدهونة بالزبدة

 

**نتركها تستريح ساعة ولو اكثر يبقى خير انا باتركها حوالى ساعه ونص (وفى اثناء ذلك اسخن الفرن جيييييييدا)

**نفردها بالمنظر ده هتتفرد معانا بسهوله ومش هتلم تانى ولو لمت يبقى عايزه تريح شوية (لسة تعبانة ياعيييييييييييييينى ههههههه)

 

**ندخلها فرن ساخن جدا نكون سخناه قبلها حتى تنضج وتحمر

علامة نجاحها ان بعد ماتحطيها فى الفرن بقليل تبدأ تنتفخ زى كده

**نرشها بقليل جدا من الماء وندهنها بقليل من القشطة او الزبدة
السايحة ونغطيها بالفويل ونتركها لتبرد قليلا لو بتحبيها دافية او لتبرد تماما لو بتحبيها باردة

 

جمال وطعم ولا الريحة امممممممممم

وطرى ملبن

ومع العسل النحل (الابيض) الاصلى الممتااااااااااااااز ياسلاااااااااااااااام

 

وبالهنا والشفااااااااااااا

 

عاملة لكم اطباق كتييييييييير عشان كل واحدة تاخد طبق من غير ما تتخانقوا

 

واللى عاملة دايت تاخد طبق فيه قطعة واحدة

 

واللى ضارباها طبنجة زيى تاخد طبق من اللى فيه قطعتين هههه

 

ودى طريقة تانية للف الفطير وارجو ان الصور توضح

ودى طريقة تانية للف الفطير وارجو ان الصور توضح

 

  • 10 views
  • تم النشر في:

    مطبخ لمسة

  • آخر تعديل: At 12:17 ص
  • كلمات دلالية: , , , ,
  • قم بنسخ الرابط المختصر أدناه من زر النسخ لمشاركته:

    /?p=43291