طريقه عمل الشاورما وشوربه العدس على الطريقه التركيا

السلام عليكم ورحمه الله وبركاته ..
.
كيف حالكم جميعا ..

منقول

اليوم راح اقدم لكم طريقه عمل الشاورما وشوربه العدس على الطريقه التركيا وطبعا معروف عندنا بالماينا مشهورين بالاكل والمطاعم التركيه ..
ومعروفين الاتراك باكلهم الطيب ..

نبدي بطريقه شاورما اللحم ..(طبعا بامكانكم تسونها بالدجاج نفس الطريقه )

اول شي نبدي بالمقادير ..
كيلوو لحم (هبر ) من غير عظم .. ( حسب الاشخاص طبعا هذي الكميه تكفي حق اربع الى خمس اشخاص )
بصله واحده .+ فصين ثوم ..
ربع كوب زيت زيتون ( انا ما كان عندي وحطيت زيت عادي )
نصف كوب ليمون ..
بهارات ( بهار اسود .. كركم .. فلفل احمر .. ملح .. ثوم مطحون ..)
علبه زبادي .
ونص كوب خل ..

والحين نبدي بالخطوات ..( وطبعا بالتفصيل الممل لعيوون الاخت شجون طلبت منه هالشي )

اول شي نجيب اللحم .

بعدين نقطعه الى شرائح رقيقه ..

نقوم بغسل اللحم ونقعه بالماء والخل على ما نجهز الخلطه ..

وهاي صوره المواد الي نحتاجهن …

زائد طبعا عصير الليموون ..

نقوم بخلطه المواد كلها مع بعض والبصل شرائح والثوم نقطعه ناعم وهاي الصوره قبل ما نخلطهم مع بعض ….

وهاي الصوره بعد ما خلطانهم ..

نقوم بتصفيه اللحم من الماء والخل بهاي الطريقه ..

وهاي صوره اللحم مع الخلطه الي سويتها ..

ونخليها بالثلاجه على فكره بنات لازم نسوي هاي الطريقه قبل بيوم واذا قررنا بنفس اليوم انسويه الصبح لان كل ما ضل اللحم بالخلطه يصير الطعم اطيب ..

طلعته من الثلاجه وشغلت الفرن على درجه حراراه ..

طبعا مو واضح كلش بالصوره ..
درجه الحراره 250
والوقت .. 60 دقيقه ( وطبعا مع التقليب المستمر )
ونشغل الفرن فوق وتحت ..

وهذا شكله من دخلته الفرن ..

ورا ربع ساعه اطلعه واشيل الماء واخليه ناشف واضيف عليه شووي زيت وارجعه الفرن ..

وبهذا الوقت قطعت الخضراوت ..
خس .. طماط .. خيار .. لفت ابيض .. لفت احمر ..وبقدونس ..

وسويت خلطه الزبادي ..
علبه زبادي ..
نعناع يابس …
ملح وليمون ..

وهذا الخبز الي سويت فيه وممكن تستعلمون اي نوع من الخبز او الصمون ..

وهذي صوره الشاورما بعد ما طلعته من الفرن ..

وهذي صوووره اقرب ..

والحين نرووح لتحضر لفات الشاورما ..

نفتح الصمون او الخبز ونخلي فيه اللحم ..

وبعدين السلطه والزبادي ..

وبعدين كبستهم بهذا الشاويه نفس حقت المطاعم ..

وهذي صورتها من داخل ..

وسويت معاه البطاط ..
انا استخدمت المثلجه بس ممكن تسونها بالبيت وطريقها اتقطعون البطاط وتنقعونها لمده نص ساعه بالماء وشوي خل وبعدين تقلونها بزيت حار وتطلع مقرمشه :p

ومن تخلص تحطون عليه هذا البهار خاص للبطاط واذا ما في عندكم ممكن تستخدمون بهار الفلفل الاحمر .

وهذا شكلها النهائي ..

والحين نروح لطريقه شوربه العدس ..

والمقادير .
كوب عدس ..
بطاطه واحده
بصله واحده .
جزر واحده
وتخلونهم كلهم يسلقون مع بعض ..

وهاي بعد ما استوى ..

ونخلطهم بالخلاط الكهربائي بهذا الشكل ..

بعدين نجيب جدر ونخلي في شووي زيت وبصل ومكعب ماجي ..

وبعدين نحط العدس ..
ونحط فوقه ماي الطماط ..

واخر شي نحط معلقتين من الشووفان وشوي ملح وثوم مطحون وبهار كركم ..
وهاي الصوره النهائيه للعدس ..
على فكره شوربه العدس تنعمل بطرقتين بالشوفان مثل ما قلت .. وممكن بدال الشوفان تحطون نص كوب رز تسلقونه عادي ومن يستوي تحطونها ويه العدس وباقي المواد وتخلطونه سوويه …وطعمه روووعه ..;)

وهاي الصوره للنهائيه لللاكل اتمنى يعجبكم ..

هذا الاكل لزوجي والي واختي الصغيره كانت يمنا ..

وهذي الاكل حقي ..