محشي كوسا و ملفوف

:
مممممم من اطيب المحاشي وألزًا
ولتحضيرن منحتاج اول شي نسلق ورق الملفوف ، ونقص منو الأطراف الخشنة ثم بيصير جاهز للف ومنحطو عجنب ، وايضا منحفر حبات الكوسا يللي عنا ومنحطا عجنب،،،،
ومنحضر الحشوة ، وحشوتنا الن مكوًنة من : رز مصري مغسول ومنقوع ربع ساعة ، لحمة مدهنة مفرومة ناعمة ، ملح وفلفل ونعنع يابس وكم سن توم مدقوقين
واللي بيحب الرز كتير مفلفل وما يلزق يضيف زيت نباتي
واللي بيحب يضيف للحشوة دبس بندورة ( معجون طماطم ) كمان طيٍب
منخلط المكونات ومنزبط الملح ومنلف الورق يللي عنا ومنعبي الكوسا ثلاث ارباعو،،،،،
-أما بالنسبة لماء الطبخ فبدنا دبس بندورة ( معجون طماطم ) وانت بتتحكمي بالكمية وفينا نستبدله ببندورة مضروبة بالخلاط ……وبدنا معوً دبس رمان ( شي كاسة شاي ) وبدنا أيضاً توم مدقوق وملح وفلفل لماء الطبخ
ولأسفل الطنجرة منحط من ورق الملفوف الخشن ومنحط دهنة مفروكة بملح وثوم وفلفل ونعنع يابس ومنضيف حبات من سنون الثوم
-وبعد ما نصف المحشي بالطنجرة وقبل سكب مية الطبخ عالطنجرة منحط شي إسمو( مكبس ) وهوي عبارة عن شبه صحن فخاري تقيل ( أو قطعة حجر ) مخصص للمحشي ، ومنحطو أعلى المحشي مشان لما نضيف مية الطبخ ما تفتح حبات المحشي ويطلع منهن الرز…..ومنطبخو ساعتين من بعد الغلي ويقدم وشوفو مألذوو
بتمنى أنو ينال على إعجابكن وصحتين وهنا يارب

 

  • 23 views
  • تم النشر في:

    مطبخ لمسة

  • آخر تعديل: At 7:49 م
  • كلمات دلالية: , , , ,
  • قم بنسخ الرابط المختصر أدناه من زر النسخ لمشاركته:

    /?p=2881