============================
المقادير:
بيضة
كوب لبن
2 كوب دقيق
1/ 4 كوب سكر
كوب فواكه مجففة
4 ملاعق كبيرة زبدة
ملعقة كبيرة بشر ليمون
2 ملعقة صغيرة بيكنج باودر
2 ملعقة كبيرة عصير ليمون
ملعقة كبيرة عصير ليمون أو خل
بيضة + ملعقة صغيرة مياه للدهن
سكر للتزيين

طريقة التحضير:
– أولا قومى بتسخين كوب اللبن وضيفى عليه عصير الليمون أو الخل وغطيه واتركيه لمدة 5 دقائق.

– اخلطي الدقيق مع السكر والبيكنج بودر والفواكه المجففة، وبعد كده افركيهم بالزبدة.

– اخلطي 3/ 4 كوب من اللبن مع البيض وعصير الليمون وبشر الليمون وبعدين صبيه على خليط الدقيق وقلبيه جيدا حتى يصبح الخليط مثل الفتات الناعم.

– افردي الخليط على ورق بلاستيك لحد ما يبقى سُمكه 2 سم، ثم لفيه باستخدام الغلاف البلاستيك مع الضغط عليه؛ حتى تصبح العجينة متماسكة ويتكون شكل أسطواني.

– ثم قومى بتقطيع العجينة قطع صغيرة بالسُمك اللي إنتي عايزاه ورصّيها في صينية على ورق زبدة أو في قالب سيليكون، ثم ادهنيها بخليط البيض والمياه، وبعدين رشّي عليه السكر.

– ادخّليها في فرن ساخن لمدة 18 : 20 دقيقة حتى يصبح لونها ذهبي، ممكن تختبريها بإنك تدخلي فيها سكينة أو خلة، ولو خرجت جافة يبقى استوت وتقدري تخرجيها من الفرن، وتقدميها مع مشروب من اختيارك