المقادير
نصف كيلو مانجا مثلجة محلاة
نصف ليتر حليب
ملعقة كبيرة قشطة
التزيين
فواكه حسب الرغبة (موز,تفاح,أناناس ,مانجا ,خوخ ,كرز,……)
زبيب أشقر بيعطيها طعمة طيبةكتير ومميزة
صوص الفراولة (المفضل لدينا )أو الشوكولا
بوظة أو كريما أو قشطة, وفستق حلبي ولوز مبشور للوجه
الطريقة
نخلط المانجا والحليب والقشطة بشكل جيد وطبيعة الخليط بتكون ثلجية ناعمة (كتير منعشة )يعني لانطول عليها بالخفق حتى ما تصير كوكتيل عادي المهم الخفق بسرعة
نجهز الاكواب نضع الصوص بأسفل الكوب ثم نصب القليل من الخليط ثم نضع الفواكه مع الكشمش( الزبيب الاشقر) ثم نضع النصف الاخر ونترك مجال للكريمة أو البوظة وغيرها
_________________________
هون زينتها بشرائح التفاح الأحمر مع البوظة المخلوطة بالفستق الحلبي شغلة رووعة وصوص الفراولة أكيد

هون صفيت عالجوانب كيوي ودراق وعالوش بوظة مع شريحة دراق ورشة فستق حلبي

وهون حطيت فيمتو بقلب الكاسة ودورتها على حيطان الكاسة لتاخد شكل رخامي (إن شالله تكون وصلت الفكرة :))وكريما عالوش

هون زينتها بقطع المانجا بالوسط وبشرائح التفاح والصوص

وهون شرائح الكيوي والفراولة عالجوانب مع القشطة والفستق والصوص عالوش

وهون شرائح التفاح الاحمر مع الكريما والكرز

ممكن نقدم الفخفخينا سادة بدون أي إضافات

منعشة جداااا

منقول