اليوم ع الغدا جيت افكر وادور
ومحتاره بين كبسه ومقلوبه وبرياني
قمت سويت اكله تجمعهم كلهم هههههههه
اول شي المقادير : ( زيدي حسب الرغبه )
نص دجاجه مقطعه اربع قطع و*****ه الجلد
بصلتين صغار مقطعه جوانح
3 فصوص ثوم مقطعه شرايح
ملعقه زنجبيل طازج مبشور
رز منقوع
قرن فلفل حار
علبه زبادي
شوي سمن
بهارات ( اعواد قرفه صحيحه – هيل حب -ليمون اسود – قرنفل اعواد – ورق غار – ملعقه صغيره كاري
ملعقه صغيره كركم – ملعقه صغيره كزبره ناشفه مطحونه – ملعقه كمون مطحون واكيد ملح
الطريقه :
نفرش القدر بالبصل والثوم ونحط فوقه الدجاج بالترتيب ونصب عليه شوي زيت والبهارات والملح
ونقصر النار ع الاخر مرررره ونغطيه تقربا 10 دقايق الين مايتسبك بدون تقليب
بعدين نفتح القدر وياسلام ع الريحه نقلب ونحط عليه مويه بس مو كثير يالله يغطي الدجاج تقريبا كاسين
ونغطي القدر
بهالوقت نسلق الرز مع شويه ملح وقرن الفلفل << يعطي ريحه خيال واحط بعد بهارات صحيحه حسب الرغبه
ولما ينشف الدجاج تقريبا يبظل فيه شوي مويه نحط عليه علبه الزبادي ونقلبه ونخليه 5 دقايق
بعدين نكب الرز المشخول عليه ونحط عليه ملعقه سمن ونقصر النار ونكتمه وخليه من عشر دقايق لربع ساعه
واقلبيه بالصحن وزينيه بالي تحبين بقدونس او بصل او مكسرات
انا زينته ببصل مقلي << تقريبا محروق هههههه
ولوز محمص
وترى الصوره مرررره ظالمته الريحه تدووووخ
