السلام عليكم ورحمة الله
حياكم الله اخواتي وبياكم اليوم جبت لكم طريقة فطائر يمنيه لذيذة وسهله جدا
واجمل مافيها انه ممكن نسوي كمية ونحطها في الثلاجه لمدة اسبوع وبس نطلعها نفردها ونخبزها
بسم الله نبدأ
المقادير :-
4 كاسات دقيق ابيض + رشة ملح + 4 ملاعق حليب بودرة + ملعقة طعام بيكنج بودر + ملعقتين سمن بري او زيت +ماء للعجن
ملاحظة ( ممكن نستبدل 4 كاسات دقيق بر ) أو ( 2 كاسات دقيق ابيض + 2 كاسات دقيق بر)
نضع المقادير الجافة مع بعض ونحركها
نبدا بوضع الماء الدافئ المايل لسخونه تطلع اطرى واطرى للي تقدر تتحمل الحرارة اما اللي ماتقدر فتحط ماء دافئ
ونعجن ونحط الزيت
ونكمل عجن ليت تصير عندنا عجينه متماسكه يعني تنفرد من غير دقيق مثل كذا
ونبدا باخذ قطعه ونفردها وهنا الخطوات الاساسية
نفرد القطعه وندهنها بزيت او سمن بري او الاثنين مع بعض
نبدأ نطبقها مثل الصور وكل طبقة بمسحة زيت
نرصها في صينية ونغطيها ترتاح اقل شي 10 دقائق ربع ساعه
(هنا ممكن نحطها في الثلاجه ووقت ما احتجنا نطلع العدد اللي نبغاه ونفرده ونخبزه )
بعد كذا ناخذ اول قطعه سويناها ونفردها ونحمي الصاج
ندهن وجهها بشوي زيت علشان لا تتطلع ناشفه ونحطها على الصاج على الوجه اللي دهناه
اذا اتحمرت من اسفل ندهن الوجه ثم نقلبه
ونحطها في كيس او حافظة ونكتمها وكل ماسوينا وحده دخلنا على طول الكيس
كذا خلصنا من الفطائر
نجي للاضافة انا سويتها بالبيض
المقادير ( بصل أخضر او عادي + كراث حسب الرغبه + طماطم + فلفل اسود + ملح + بهارات مطحونه + بيض )
نخلطهم مع بعض بهالطريقة
نضع كمية بسيطه من الخلطه في الصاج بعد دهنه
واذا تحمر قلبناه ومباشرة نضع فطيرة فوقه
نخليه ثواني ثم نرفعها داخل كيس على ماننتهي من الباقي وشكلها كذا يصير
وبصراحه كنت مستعجله فصبيت الخليط كله في الصاج لين تحمر من فوق وتحت وبعد قطعته وحطيته فوق الفطائر
ونحط شطه وكاتشب ومايونيز وتقدم مع الحليب العدني
وهنا سويتها من قبل بس بدقيق البر لوحده ومع الجبن والحليب بعد
وفي الختام دعواتكم لي بكل ما يجود به خواطركم
وبالهناء والعافيه
